脂肪22.7% (23-35%) 水分50.2% (42-52%) 肌肉 38.8 (＞34%)
早餐：白粥一碗, 牛脷酥一條
午餐 : 蘆筍沙律, 六白黑豚鍋飯
下午茶 : 燕麥鬆餅半個, snapple半枝
晚餐 : 蒸魚, 灼菜心全走, 橙半個, 雪梨半個
今天吃了 : 五穀, 肉類, 生果, 蔬菜, 脂肪 (欠奶類)
運動 : 沒有
細個時好鍾意食牛脷酥, 但不愛吃油炸鬼, 因為無甜味
那時太愛食甜野, 但長大後知道這些油炸食物很高脂之後
都盡量少吃, 只有間中食炸兩腸
今天在街市見到有一檔新開的粥檔, 它的油器是即做的
所以就破戒一次, 叫了白粥和炸牛脷酥
5蚊一條超大的牛脷酥很好味, 但真是幾油, 很滿足的早餐
中午在尖沙咀自家烏冬吃午餐
這個六白黑豚肉鍋飯太多豉油, 味道太濃
跟住到永安取昨天買了的四對鞋
當然又再血拼, 最後買了一個手袋和一些家品
今晚條魚是'Honey'在街市買的, 只係十五蚊, 是新鮮的
妳二日內買了10對鞋, 好利害呀.
回覆刪除[版主回覆05/21/2010 19:59:00]唔係兩日買了十對鞋, 係昨天買了六對鞋, 但昨天只拿了兩對走, 因為買了太多野, 'ling'唔到, 另外四對今天才取, 今天簡直不敢再看鞋部, 又怕忍唔到手.
還有半個橙, 半個雪梨的晚餐真係sweet sweet.
回覆刪除我讀中學時，大約有2年朝朝都是吃一條牛脷酥(有返學的日子)，也和你一樣不大愛吃油條，除非是吃炸両，現在和你一樣，知道這些太油太肥膩，少吃很多了，而且還很熱氣呢。
回覆刪除[版主回覆05/23/2010 21:34:00]以前很喜歡吃蛋撻, 所以一出來工作後, 每天經過樓下的餐廳, 便會買一個蛋撻, 吃完才返屋企, 這樣吃了一段時間, 重了二十磅, 果時真係唔知道蛋撻是很肥的.
讀書時因為太瘦，吃甚麼都不肥，還要在努力增肥，所以根本不會分那些是致肥的食物，後來出來工作，身體好了點，依然與讀書時吃那麼多東西，結果就在短時間內肥了10多磅。慢慢地越來越肥，開始看減肥書時，才認真地認識那些是致肥食物，因為脂肪不斷的殺到埋身。
回覆刪除[版主回覆05/25/2010 13:52:00]我讀書時都係好瘦, 媽媽叫我做馬騮乾, 一出黎做野就放鬆晒, 當時真係唔知乜野肥, 乜係唔肥, 但果時要瘦都好容易, 唔似而家咁難.